Escape room edo ihes gela bat abentura joko bat da. Bertan buru eta gorputz trebetasuna erabili beharko dira gela batetik irten ahal izateko. Jokalariak gela batean sartzen dira, eta hainbat igarkizun eta buruketa gainditu beharko dituzte istorio bati jarraituz. Helburua handik irtetea izango da, 60 minutuak agortu baino lehen.

Irteerako atea irekita egongo da. Jokoan aurrera egin ahala atzean uzten diren ateak irekita mantenduko dira une oro, segurtasun araudiari jarraituz. Beraz, edozein momentutan kalera atera nahi izanez gero, nahikoa izango da atea irekitzea.

Aretoaren tamaina eta puzzleak nola banatuta dauden kontuan hartuta, taldeak, gehienez, bost lagunekoak izatea da egokiena jokoa dinamikoa izateko. Aitzitik, gutxienez, bi lagun beharko dira jokoa egin ahal izateko.

Beste ekintza batzuekin gertatzen den bezala (kontzertu bat, pelikula bat, hegazkina…), jarduera modu egokian aurrera eramateko beharrezkoa da garaiz iristea. Erreserba orduak horrela jarrita daude talde bakoitzari ahalik eta atentzio onena eskaintzeko. Horregatik, ezingo da erreserba ordua atzeratu.

Ordua iritsitakoan, atzera kontaketa hasiko da, eta talde bakoitzari minutuak kentzen hasiko gara. 15 minutu berandu iritsiz gero, erreserba galdutzat emango da, eta dirua ez da itzuliko.

12 urtetik aurrera jokoan aritzeko gai direla uste dugu, beti ere, heldu batek lagunduta joanez gero. Baliteke aurrerago, gazteentzako bertsio bat ateratzea. Kasu horretan, aurretik abisatuko litzateke.

Nahiz eta istorioa zonbiak agertu diren laborategi batean oinarrituta egon, lasai egon zaitezkete, ez duzuelako aurrez aurre zonbirik topatuko, mugitzen den zonbirik, behintzat.